Ngagurusuk Moro Langlayangan

             Di lembur kuring keur usum halodo. Barudak saentragan téh keur raresep kana ngaradu langlayangan. Nya kaasup kuring. Salian ti ngadu, resep ogé kana moro langlayangan, anu pegat ku sabab diadukeun. Sakapeung langlayangan anu diboro téh teu ruksak, sakapeung beunang tapi rangsak da diparebutkeun. Rék meunang rék henteu, muru langlayangan mah tetep resep.

Dina hiji waktu, kuring jeung babaturan, nyaéta Tono jeung Budi jangjian rék ulin. Biasa ulin ngadu jeung moro langlayangan. Kuring nyarita ka Budi.

"Bud, engké urang ngadu langlayangan yu ahh!”

“Hayu, Sép. Urang mah geus boga langlayangan anu hadé," ceuk Budi.

"Ari manéh kumaha, Ton?” ceuk kuring.

"Hayu, urang gé da geus boga langlayangan anu anyar," ceuk Tono.

Pasosoré geuning barudak nu séjén gé geus karumpul di lapang. Geus riab anu rék ngaradu langlayangan. Pangulinan téh pinuh, boh kolot boh budak ngagarimbung. Pernahna mah deuket imah kolot kuring arulinana téh. Haneuteun.

Anjog di lapang, kuring tuluy tatahar.

"Ehh … Sép, manéh geus lila?" ceuk Tono.

“Encan, karék nepi ieu gé," jawab kuring.

Enggeus kitu, tuluy kuring ngapungkeun, kitu deui Tono jeung Budi. Tapi, teu kungsi lila, langlayangan anu Budi mah pegat gelasanana. Horéng diadu jeung langlayangan kuring.

“Euh … manéh mah,” Budi kukulutus.

Nu lain mah kalah atoh, kaasup kuring. Langlayangan nu pegat téh pada moro. Barudak imeut ningalikeun ka mana ngoléabna. Sakırana geus rada handap, barudak tuluy ngudag, muru tempat piragrageunana. Kuring gé embung éléh. Sabisa-bisa kuring milu lulumpatan, moro éta langlayangan jeung barudak.

Resep euy, resep pisan. Barudak pating gorowok bari lulumpatan.

“Éta euy gelasanana geus nyampay,” ceuk nu saurang.

“Mana … mana ….”

“Ah, bolor manéhna mah,” pokna silih témpas.

Gelasan anu ngambay dipolototan ku kabéhan. Kira-kira geus kahontal tuluy pada ngarawélan. Kuring lumpat panghareupna, susuganan éta langlayangan téh beunang ku kuring. Pas rék ngajleng, suku tikoséwad. Gedebug kuring labuh ngagurusuk kana reuma. Nyaho kuring labuh, Tono kalah ngagakgak nyeungseurikeun.

"Ari manéh kunaon?” ceuk Tono.

"Puguh labuh, tikoséwad. Tah kana akar kai," témbal kuring semu keuheul bari nyekelan suku.

“Hahaha … Ati-ati atuh euy.”

“Sigana mah bakal misalah, da kot nyeri," kuring nahan kanyeri.

“Heueuh sigana mah. Hayu wéh ah balik deui," ceuk Tono.

Kuring balik dibéyéng ku Tono перi ka imah. Cul wéh langlayangan mah di lapang. Baé da deukeut imah ieuh.

Barang nepi ka imah, indung kuring nanya.

“Kunaon, Jang?” ceuk Ema.

“Labuh Ma, tadi basa Ujang moro langlayangan.”

“Euh, mani gagabah. Nam atuh urang ka Aki Ajon, urang urut bisi kumaonam.”

Nalika diurut kuring ngagorowok bakating ku nyeri. Ras inget kana langlayangan nu teu sapira. Kuring ngarasa kapok, moal hayang deui moro langlayangan. Geus ngalaman labuh mah kuring tara pati hayang pangangguran moro deui. Horéam diurutna. ***

Advertisement

Yayasan Al Ma’soem Bandung sudah membuka pendaftaran untuk siswa dan santri baru tahun pelajaran 2023/2024 untuk tingkat :

✅ PG

✅ TK

✅ SD Full day

✅ SMP Full day dan Boarding school

✅ SMA full day dan Boarding school

📝 Kelebihan di Al Ma’soem :

1. DAFTAR DI AWAL BIAYA LEBIH RINGAN

2. TIDAK ADA BIAYA DAFTAR ULANG

3. BEASISWA PENDIDIKAN

4. JIKA MENGUNDURKAN DIRI, UANG KEMBALI

Tunggu apalagi, segera daftar di gelombang 1 untuk sekolah di Al Ma’soem, sebelum kuota penuh. Daftar di rumah saja melalui website www.sips.almasoem.com.

Informasi melalui WA :

081122700227 (Admin)

0811224337 (Ayi Mi’raz)

08112194421 (Sri Hanipah).