Budak Kedul

“Dul … Dul …, cik pangnyandakkeun gula luhureun kulkas!” cék mamah Abdul. Indungna keur ribut masak di dapur.

“Kéla Mah, pameng keur ngagamé.”

“Éh budak téh. Candak heula atuh bageur da moal lami nyandak gula mah. Sok énggal!”

“Ih, kéla atuh ari Mamah sakedap deui da,” témbal Abdul kerung. Mamahna teu némbalan. Indungna nungguan. Sugan enya téréh ngurunyung, da cenah sakeudeung deui.

Ngan, sanggeus didagoan sabaraha lila ku indungna, Abdul can datang kénéh. Éta budak horéng masih kénéh anteng nyoo hapé. Jongjon wé bari gogoléran dina korsi. Teu maliré kana panitah kolotna.

Indungna kutuk gendeng. Sayur nu rék digulaanana kalah saat mantén. Tungtungna mah Mamah Abdul nyandak nyalira. Tuluy manjur sayur nu kasaatan téa. Sanggeus kitu, indungna néang Abdul.

“Ya Alloh … Abdul …!!! Mana gula téh? Sakedap … sakedap … wé hayoh. Tuh, tingal sayur mamah kalah saat mantén. Ka dieukeun ah hapéna!” Indungna gegelendeng bari ngajéwang
hapé budakna.

Si Abdul teu némbal. Kalah nyéréngéh. Kulumas-kélémés rék ngaléos bakating ku éra.

“Dul sok atuh sing nurut ka Mamah téh, sing hideng. Ulah mantangul waé! Apan mamah téh nuju ribut, maenya Abdul henteu tiasa nyelang sakedap mah,” ayeuna mah rada leuleuy mapatahanana téh.

Can gé réngsé Mamahna sasauran, Abdul tuluy pok motong kalimah, “Ih, ari Mamah kapan masih kénéh aya Si Enéng. Mamah mah hayoh waé miwarang ka Abdul,” ngajawabna téh bari semu ambek.

“Si Enéng mah pan alit kénéh atuh bageur. Moal enya Mamah miwarang budak tilu taun. Can ngartoseun. Coba mun ku Mamah Si Enéng dipiwarang ka warung, batan dugi ka warung mah kuriak teuing geubis, inggis ku kandaraan.”

“Atuh papatahan heula ku Mamah geura Si Enéngna,” témbal Abdul keukeuh.

Indungna bingung, bari terus mikir kumaha pipokeunana sangkan budakna ngarti yén manéhna téh geus mangkat déwasa, geus kudu mimiti nalang ka nu jadi indung.

“Yeuh Ujang, bageur, kasép … dangukeun Mamah. Abdul téh tos ageung. Tos sakedahna nalang ka sepuh. Mamah téh miharep Abdul ulah baha waé. Upami dipiwarang kedah kersa. Upami nuju dipapagahan teu kéngéng waé nambalang.”

Ras inget baheula, nu kainget ku indungna, da saacan wanoh kana hapé mah Abdul téh hampang birit. Lamun dititah teu burung nurut. Lamun dipapagahan ku indungna tara ngalawan.

“Saprak gaduh hapé Abdul téh naha janten kedul? Teras Abdul sok sering hilapna kana solat deuih! Upami Abdulna kitu waé mah ké hapéna ku Mamah dirampas geura. Abdul teu karunya ka Mamah?” indungna nyarita kituna téh bakating ku hariwang. Inggis kitu rempan kieu.

“Atuh Mamah ulah dirampas. Abdul jangji moal kitu deui. Ayeuna mah badé nurut ka Mamah. Upami dipiwarang badé nurut. Tapi hapé Abdul teu kéngéng dirampas nya Mah,” Abdul semu lengas-lengis ka indungna.

“Bongan tuda saprak Abdul gaduh hapé téh geuning sanés tambih hideng, tapi kalah ka beuki kedul, mantangul, sareng tara pisan tiasa dipihapéan Si Enéng ku Mamah téh. Tipayun mah kapan upami Mamah nuju répot téh Abdul sok hideng kersa ngasuh Si Enéng,” cék indungna bari tuluy cengkat tina diukna.

“Muhun Mah, muhun Abdul moal kitu deui. Abdul janji. Hapunten nya, Mah.” Abdul ngolo ka indungna. ***

Advertisement

Yayasan Al Ma’soem Bandung sudah membuka pendaftaran untuk siswa dan santri baru tahun pelajaran 2023/2024 untuk tingkat :

✅ PG

✅ TK

✅ SD Full day

✅ SMP Full day dan Boarding school

✅ SMA full day dan Boarding school

📝 Kelebihan di Al Ma’soem :

1. DAFTAR DI AWAL BIAYA LEBIH RINGAN

2. TIDAK ADA BIAYA DAFTAR ULANG

3. BEASISWA PENDIDIKAN

4. JIKA MENGUNDURKAN DIRI, UANG KEMBALI

Tunggu apalagi, segera daftar di gelombang 1 untuk sekolah di Al Ma’soem, sebelum kuota penuh. Daftar di rumah saja melalui website www.sips.almasoem.com.

Informasi melalui WA :

081122700227 (Admin)

0811224337 (Ayi Mi’raz)

08112194421 (Sri Hanipah).